შინაგან საქმეთა სამინისტროს ინფორმაციით, ბათუმში ძალადობისა და ოჯახში ძალადობის ბრალდებით 4 პირი დააკავეს.

უწყების განცხადებით, ერთ-ერთმა დაკავებულმა, 35 წლის პირმა სიტყვიერი და ფიზიკური შეურაცხყოფა მიაყენა 60 წლის მამას და მისი კუთვნილი ავტომანქანა დააზიანა. მათი თქმით, ორმა დაკავებულმა სიტყვიერი და ფიზიკური შეურაცხყოფა მიაყენეს მეგობარ ქალებს. ერთ-ერთმა ბრალდებულმა კი თავის მფლობელობაში არსებულ სილამაზის სალონში კლიენტს ფიზიკური შეურაცხყოფა მიაყენა.

გამოძიება ძალადობის, ოჯახში ძალადობის და სხვისი ნივთის დაზიანება-განადგურების საქმეებზე, საქართველოს სისხლის სამართლის კოდექსის 126-ე მუხლის 1-ლი ნაწილით, 126-ე პრიმა მუხლის 1-ლი ნაწილით და 11 პრიმა 187-ე მუხლით მიმდინარეობს.