ე.წ. კანონიერი ქურდი ტარიელ ონიანი, რომლის ციხიდან გათავისუფლების შესახებ ინფორმაცია დღეს გავრცელდა, ისევ დააკავეს. ამის შესახებ tvrain.ru წერს.

გამოცემა წერს, რომ ონიანის დაკავების მიზეზი ესპანეთის სამართალდამცავი ორგანოების მოთხოვნა იყო, რომელმაც ონიანზე საერთაშორისო ძებნა აქვს გამოცხადებული.

ესპანელი სამართალდამცავები ონიანს "რუსული მაფიის ბოსს" უწოდებენ, ფულის გათეთრებაში ადანაშაულებენ. მას 10-წლიანი პატიმრობა ემუქრება.

ტარიელ ონიანი რუსეთში ფულის გამოძალვის მიზნით ბიზნესმენის გატაცების ბრალდებით დააკავეს. მას 2010 წელს ათი წლით პატიმრობა მიუსაჯეს და ორი თვით სასჯელის შემცირებასაც მიაღწია.