რუსული საინფორმაციო სააგენტო Ria-ს ინფორმააციით, ე.წ. კანონიერმა ქურდმა, ტარიელ ონიანმა იგივე ტარომ რუსეთში, ორენბურგის ოლქის საპატიმრო დაწესებულება დატოვა.

"დღეს მისი სასჯელის მოხდის ვადა ამოიწურა. ტარიელ ონიანი გათავისუფლებულია კოლონიიდან სასამართლოს გადაწყვეტილებით. მისი შემდგომი ბედი სამართალდამცველების კომპეტენციაშია", — განაცხადეს რუსეთის სასჯელაღსრულების ფედერალურ სამსახურში.

ტარიელ ონიანი რუსეთში ფულის გამოძალვის მიზნით ბიზნესმენის გატაცების ბრალდებით დააკავეს. მას 2010 წელს ათი წლით პატიმრობა მიუსაჯეს და ორი თვით სასჯელის შემცირებასაც მიაღწია.