დირსის შენობა დევნილმა ოჯახებმა დატოვა. ამის შესახებ საზოგადოებრივი მაუწყებელი წერს. მათივე ცნობით, მოლაპარაკებები შედგა დევნილებისთვის დამაკმაყოფილებელი პირობებით. ერთ-ერთი დევნილის თქმით, უახლოეს პერიოდში ფართებით დაკმაყოფილების დაპირება მიიღეს. მისივე თქმით, ვინც რეგიონშია ჩაწერილი, ფართს რეგიონში მიიღებს, ხოლო თბილისში ჩაწერილები, ფართს თბილისში მიიღებენ.

იძულებით გადაადგილებულ ოჯახებს რამდენიმე დღე თბილისში, ისნის დასახლებაში კომპანია დირსის კორპუსი ჰქონდათ დაკავებული. ისინი ხელისუფლებისგან ბინებით უზრუნველყოფას ითხოვენ.

იძულებით გადაადგილებულმა პირებმა დირსის კორპუსი 30 მარტს დაიკავეს. ისინი ამბობენ, რომ დევნილთა სამინისტრო მათ დირსის კორპუსში ბინებით დაკმაყოფილებას დაჰპირდა, თუმცა დაპირება არ შესრულდა.