საქართველოს ახალგაზრდა იურისტთა ასოციაციის ინფორმაციით, მათი ერთ-ერთი პროგრამის დირექტორი, ვახუშტი მენაბდე თბილისში, ჭავჭავაძეზე ქუჩაზე გამართულ აქციაზე დააკავეს. აქციის მონაწილეების ინფორმაციით, სულ დაკავებულია ოთხი ადამიანი.

On.ge-ს შინაგან საქმეთა სამინისტროში დაკავებულების რაოდენობა დაუდასტურეს.

თბილისში აქცია მას შემდეგ დაიგეგმა, რაც გუშინ 31 მარტს მშენებლობის დროს კიდევ ორი მუშა გარდაიცვალა. აქცია დაახლოებით ოთხი საათის წინ დაიწყო და ამ დრომდე გრძელდება. ისინი პრემიერის, თბილისის მერის, ეკონომიკისა და ჯანდაცვის მინისტრების ადგილზე მისვლამდე დაშლას არ აპირებენ. ამ დრომდე არსებული ინფორმაციით, არც ერთი მათგანი ადგილზე მისვლას ახლა არ გეგმავს.