ქობულეთში ორ პოლიციელს ჩხუბში მონაწილე ახალგაზრდების გაშველებისას ფიზიკური შეურაცხყოფა მიაყენეს. შინაგან საქმეთა სამინისტროში On.ge-ს უთხრეს, რომ მომხდარზე ერთი პირია დაკავებული, კიდევ ერთის დაკავების მიზნით კი საგამოძიებო მოქმედებები მიმდინარეობს.

საქმეზე გამოძიება სისხლის სამართლის კოდექსის 353¹-ე მუხლით დაიწყო, რაც პოლიციელზე თავდასხმას გულისხმობს. ამ მუხლით გათვალიწინებულია პატიმრობა ოთხიდან შვიდ წლამდე.