ქართული ოცნებიდან წასული ეკა ბესელია ქართული ოცნების ყოფილი მხარდამჭერის, დავით მაღრაძის მოძრაობას დაიცავი საქართველო მხარს უჭერს. მოძრაობის საგანგებო შეკრება 13 აპრილს ფილარმონიაში გაიმართება.

"ეს მნიშვნელოვანი სტარტი იქნება. ამას ემოციურად შევხვდი და მივესალმე. რა თქმა უნდა, ვიქნები ამ სტარტის დროს მის გვერდით მე მოვიაზრებ ამ მოძრაობის მხარდაჭერად თავს", — თქვა ბესელიამ.

კითხვაზე, გეგმავს თუ არა მოძრაობაში გაერთიანებას, ბესელია პასუხობს, "ვნახოთ".

ქართული ოცნების ყოფილი მხარდაჭერი, მოძრაობა დაიცავი საქართველოს ერთ-ერთი ლიდერი, დავით მაღრაძე ფილარმონიაში 13 აპრილს, ორ საათზე საგანგებო შეკრებას აანონსებს და ფართო საზოგადოებას ეპატიჟება.