თბილისში, დიდ დიღომში, პეტრიწის ქუჩაზე ახალგაზრდებს შორის მომხდარი ჩხუბის შედეგად ბიჭი დაჭრეს. შინაგან საქმეთა სამინისტროში On.ge-ს უთხრეს, რომ დაჭრილი კლინიკაშია გადაყვანილი.

საქმეზე გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს. ამ მუხლით გათვალისწინებულია პატიმრობა შვიდიდან თხუთმეტ წლამდე. უწყების ცნობით, მიმდინარეობს საგამოძიებო მოქმედებები.