ბრიტანული ავიაკომპანია British Airways-ის თვითმფრინავი, რომელიც ლონდონიდან გერმანიის ქალაქ დიუსელდორფში უნდა ჩაფრენილიყო, შეცდომით შოტლანდიის ქალაქ ედინბურგში ჩაფრინდა.

როგორც BBC წერს, მგზავრებმა შეცდომის შესახებ მხოლოდ მას შემდეგ გაიგეს, რაც ჩაფრენისას თვითმფრინავში გამოაცხადეს: "მოგესალმებით ედინბურგში". შეცდომა კი იმის გამო მოხდა, რომ მფრინავებსა და დისპეტჩერებს ფრენის არასწორი მარშრუტი მიაწოდეს.

ავიაკომპანიის პრესსამსახურში აცხადებენ, რომ შეცდომა გამოსწორებულია და მგზავრები გერმანიაში უკვე ჩაფრინდნენ.