რუსული გამოცემა Ria Novosty წყაროზე დაყრდნობით წერს, რომ ორი რუსული თვითმფრინავი რუს სამხედროებთან ერთად კარაკასის აეროპორტში ჩავიდა. როგორც გამოცემას წყარომ უთხრა, ისინი ორმხრივ კონსულტაციებში მონაწილეობისთვის ჩავიდნენ.

"რუსეთსა და ვენესუელას აქვს რიგი კონტრაქტები, რომლებიც შესრულების ეტაპზეა, მათ შორის კონტრაქტები სამხედრო-ტექნიკურ თანამშრომლობაზე", — განაცხადა წყარომ. Associated Press-სთან საუბრისას ვენესუელელმა მაღალჩინოსანმა სამხედროების ჩასვლა დაადასტურა.

2018 წლის დეკემბერში რუსეთმა ვენესუელაში ორი მომბდამშენი TU-160 გააგზავნა. ამ წლის იანვარში ინფორმაცია გავრცელდა, რომ პრეზიდენტ ნიკოლას მადუროს დასაცავად კერძო რუსი სამხედროები ჩავიდნენ.