"რა თქმა უნდა, ის [ლადო აფხაზავა] გამარჯვებულია, გამარჯვებულები ვართ ჩვენ ყველანი, ყველა მასწავლებელი, მთელი საქართველო", — ასე გამოეხმაურა საქართველოს განათლების მინისტრი, მიხეილ ბატიაშვილი მასწავლებლის გლობალური ჯილდოს ფინალს, რომლის გამარჯვებულიც კენიელი მასწავლებელი გახდა.

“ჩვენს ქვეყანას ჰყავს ლადო აფხაზავა და სწორედ მის გამო უდიდესი სიამაყის გრძნობა მაქვს მე და დარწმუნებული ვარ თითოეულ ქართველს... განათლების გლობალურ ფორუმზე, საკუთარი უნიკალურობით, მსოფლიოს მან კიდევ ერთხელ გააცნო საქართველო", — განაცხადა ბატიაშვილმა.

ლადო აფხაზავამ მასწავლებლთა გლობალური ჯილდო ვერ მოიპოვა. აფხაზავა მასწავლებლთა გლობალური ჯილდოზე 179 ქვეყნის წარმომადენლის 10 000 განაცხადიდან შეარჩიეს. მალევე ის საუკეთესო 50 მასწავლებლის სიაში მოხვდა და საბოლოოდ, ფინალისტების ათეულში.

ფინალამდე აფხაზავა ამბობდა, რომ გამარჯვება აუცილებელი არ არის და თავად უკვე გამარჯვებულია, რადგან ამ კონკურსს დამარცხებული არასდროს ყოლია.

აფხაზავას მიღებული აქვს საქართველოს მასწავლებლების ეროვნული ჯილდო, მენტორი მასწავლებლის სტატუსი და ამავდროულად, ის არის გლობალური ჯილდოსა და ვარკის ფონდის ელჩი.

გაიეთ მეტი აფხაზავაზე: