სანამ პედრო ალმოდოვარის ახალი ფილმი Dolor y Gloria (ტკივილი და გამარჯვება) დღის სინათლეს ნახავს და მსოფლიო მაყურებლისთვის იქნება ხელმისაწვდომი, მისი პრემიერა ესპანეთში 22 მარტს შედგება.

იქამდე, პედრო ალმოდოვარმა ფილმის შემოქმედებით ჯგუფთან ერთად დახურულ ჩვენებებს უმასპინძლა და როგორც ჩანს, ძალიანაც გაერთო.

ამაზე ის ვიდეოც მეტყველებს, რომელშიც პედრო ალმოდოვარი ანტონიო ბანდერასთან ერთად მღერის.

ალმოდოვარის ახალ ფილმში ბანდერასთან ერთად მთავარ როლებს პენელოპე კრუზი, ხულიეტა სერანო, სესილია როთი, სუსი სანჩეზი და როსალია ასრულებენ.

წინასწარი ინფორმაციით, ესპანეთში დაგეგმილი ლიმიტირებული ჩვენებების შემდეგ, ფილმის მსოფლიო პრემიერა კანის კინოფესტივალზე მაისში შედგება.

კრიტიკოსები, რომლებმაც უკვე ნახეს ალმოდოვარის ახალი ფილმი ამბობენ, რომ ტკივილი და გამარჯვება რეჟისორის შემოქმედებაში ერთ-ერთი საუკეთესო სურათია.