ბენ-ჰურის ახალ ეკრანიზაციაში, რომელიც ეკრანზე სულ რაღაც ერთი თვის წინ გამოვიდა, ეპიზოდურ როლს ქართველი მსახიობი დათო ბახტაძე თამაშობს.


ბენ-ჰური - 1959 წლის ისტორიული ფილმია, რომელიც ლიუ უოლასის ამავე სახელწოდების რომანზეა დაფუძნებული. ფილმმა თავის დროზე ოსკარზე რეკორდი დაამყარა და 11 ჯილდო მიიღო. მოგვიანებით, ეს მაჩვენებელი ტიტანიკმა გაიმეორა.

დათო ბახტაძე 2008 წელს ფილმში Wanted მონაწილეობდა, სადაც მთავარ როლს ანჯელინა ჯოლი ასრულებდა.

ფოტო: Universal Pictures

მართალია დათო ბახტაძე ფილმში სულ რამდენიმე წუთის განმავლობაში ჩანს და სიუჟეტის მიმდინარეობაში გარდამტეხ როლს არ თამაშობს, მაგრამ ცოტა ხნით, პატრიოტიზმის ხათრით, გავიხაროთ და ვუსურვოთ დათოს უფრო მეტი და უფრო დიდი როლები.