დიდ დიღომში, ჰიპერმარკეტ გუდვილთან ახლოს მაღაზია ტექნოლუქსის საწყობი დაიწვა. ხანძარი 17 მარტს, საღამოს დაახლოებით 21:30 საათზე გაჩნდა. შენობის ოთხივე მხარეს, რამდენიმე მეტრში მაღალსართულიანი საცხოვრებელი კორპუსებია.

საგანგებო სიტუაციების მართვის სამსახურის ინფორმაციით, დამწვარია დაახლოებით 1 800 მ². ადგილზე ხანძრის ჩასაქრობად 23 სახანძრო-სამაშველო ჯგუფი მუშაობდა. იქვე გვერდით შენობაში მყოფი საწყობის დარაჯი მეხანძრეებმა უვნებლად გამოიყვანეს.

მეორე დილით, 18 მარტს გადაღებულ ფოტოებზე ჩანს, რომ უზარმაზარი თუნუქის შენობის სახურავი ჩამონგრეული და შიგნიდან სრულად განადგურებულია. დამწვარი პლასტმასის სუნი ადგილიდან ათეულობით მეტრის მოშორებიც მკვეთად იგრძნობა.

ტერიტორიაზე აღარ იდგნენ პოლიციელები და არც ექსპერტ-კრიმინალისტები, თუმცა დამწვარ საწყობში ჯერ კიდევ მუშაობდნენ მეხანძრე-მაშველები.

ფოტო: გვანცა ნემსაძე / On.ge

შენობის კედლები რამდენიმე ადგილზე გარღვეულია. ხანძრის ქრობისას მეხანძრეებმა თუნუქის შენობა შიგნით შესაღწევად საგანგებოდ გამოჭრეს.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ადგილზე ჩანს, რომ ათეულობით კონდიციონერია დამწვარი. დაზიანების ხარისხიდან გამომდინარე, ტექნიკის სხვა სახეობების ამოცნობა რთულია.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ჯერჯერობით უცნობია შემთხვევის გამომწვევი მიზეზი და ზარალი.