შინაგან საქმეთა სამინისტროს განცხადებით, შს მინისტრის მოდგილემ დავით ვარდიაშვილმა, კულტურის მინისტრ მიხეილ გიორგაძესთან, თავდაცვის მინისტრის პირველ მოადგილესთან, ლელა ჩიქოვანთან და თბილისის მერთან, დავით ნარმანიასთან ერთად, ქართული კინოწარმოების მხარდამჭერ ოთხმხრივ მემორანდუმს მოაწერა ხელი.

შს მინისტრის მოადგილის, დავით ვარდიაშვილის განცხადებით, აღნიშნული დოკუმენტი ხელს შეუწყობს ქართული კინოს განვითარებას

"შინაგან საქმეთა სამინისტრო ყოველთვის უჭერდა მხარს ქართული და უცხოური კინოს განვითარებისა და პოპულარიზაციის პროექტებს. მომავალშიც გავაგრძელებთ კულტურის სამინისტროსთან ამ მიმართულებით თანამშრომლობას".

უწყებიც ცნობით, მემორანდუმით, რომელსაც 9 სექტემბერს მოაწერეს ხელი, სახელმწიფო ვალდებულებას იღებს, მხარი დაუჭიროს ქართულ კინოს წარმოების პროცესში.

შსს თავის განცხადებაში, წერს, რომ მემორანდუმის მიზანია სახელმწიფო სტრუქტურების მხარდაჭერა, რაც კინომწარმოებლებს ბიუროკრატიული საკითხების მოგვარებისა და სახელმწიფო ორგანიზაციების მატერიალურ-ტექნიკური ბაზებით გამარტივებული წესით სარგებლობის საშუალებას მისცემს:

"მემორანდუმის შედეგად, მხარდაჭერით ისარგებლებენ როგორც სახელმწიფოს მხრიდან სუბსიდირებული პროექტები, ასევე დამოუკიდებელი კინომწარმოებლები. აღნიშნული დოკუმენტი ასევე ხელს შეუწყობს უცხოელი კინომწარმოებლებისთვის ხელსაყრელი გარემოს შექმნას".