უკრაინის დედაქალაქ კიევში, რუსეთის საელჩოსთან მოსკოვში მოკლული ოპოზიციონერის, ბორის ნემცოვის სახელობის სკვერი გაიხსნა. გახსნის ცერემონიას ესწრებოდნენ როგორც ქალაქის მერ, ისე უმაღლესი რადის წარმომადგენლები და ნემცოვის ოჯახის წევრები.

ნემცოვის სახელობის სკვერის გახსნის გადაწყვეტილება ქალაქის საკრებულომ წინა წლის ნოემბერში ერთსულოვნად მიიღო. ქალაქის მერმა, ვიტალი კლიჩკომ განაცხადა, რომ ოდესმე რუსეთის საელჩო იამაყებს, რომ მასთან ახლოს ნემცოვის სახელობის სკვერია.

სკვერში რუსი პოლიტიკოსის ხსოვნისადმი მიძღვნილი მემორიალური დაფა დაიდგა. მემორიალზე აღნიშნულია, რომ ნემცოვი რუსეთის დემოკრატიული გარდაქმნებისთვის იბრძოდა და მხარს უჭერდა დამოუკიდებლობასა და უკრაინის ევროპულ არჩევანს.

რუსი ოპოზიციონერი ბორის ნემცოვი 2015 წლის 27 თებერვალს კრემლთან მოკლეს. მისი მკვლელობისთვის ხუთი პირია გასამართლებული, თუმცა მკვლელობის შემკვეთები ამ დრომდე გამოვლენილი არ არიან.

ბორის ნემცოვის სახელობის სკვერი გახსნილია ვილნიუსში, რუსეთის საელჩოს მოპირდაპირე მხარეს. გარდა ამისა, ვაშინგტონში რუსეთის საელჩო ნემცოვის მოედანზე მდებარეობს.