უკვე მესამე წელია, რაც აშშ-ს შტატ ვერმონტის ქალაქ ბრატლბოროში ბეკონის ფესტივალი ტარდება. ამერიკელებისთვის ერთ-ერთი საყვარელი საკვებისთვის მიძღვნილი დღესასწაული ყოველ სექტემბერს იმართება. ფესტივალზე მთელი დღის განმავლობაში იხარშება ლუდი, უკრავს ცოცხალი მუსიკა, იწვება ბეკონი და იმართება უამრავი შეჯიბრი.

წლევანდელ ფესტივალს ერთი კომპონენტი დაემატა, ორგანიზატორებმა ონლაინ კამპანია დაიწყეს და ფესტივალზე მსახიობი კევინ ბეიკონი მოიწვიეს ან კევინ ბეკონი, როგორც გენებოთ.

წლევანდელი ბეკონობა 17 სექტემბერსაა დაგეგმილი და ორგანიზატორები იმედოვნებენ, რომ მათი თხოვნა მსახიობის ყურამდე მიაღწევს და ფესტივალით აღფრთოვანებული ბეიკონი პატარა ქალაქს ეწვევა.

ბრატლბოროში ამბობენ, რომ კევინმა მათი პოსტები და მიპატიჟება ნახა, მაგრამ პასუხი ჯერ არ გაუცია და სავარაუდოდ არც გასცემს. სამაგიეროდ, ბრატლბორო და ბეკონის ფესტივალი უკვე მთელმა მსოფლიომ გაიცნო.