ვენესუელაში ელექტროენერგია მასშტაბურად გაითიშა. 8 მარტიდან ქვეყნის 80 პროცენტს დენი არ მიეწოდება. კარაკასში არ მუშაობს მეტრო და უდენობა აეროპორტებსაც შეეხო.

პრობლემა გურიში ჰიდროელექტროსადგურის გაჩერების გამო შეიქმნა. კავშირგაბმულობისა და კულტურის საკითხებში ვიცე-პრეზიდენტმა, ხორხე როდრიგესმა განაცხადა, რომ ჰიდროელექტროსადგური ჰაკერული თავდასხმის შედეგად გაჩერდა. პრეზიდენტი ნიკოლას მადურო აცხადებს, რომ ქვეყნის წინააღმდეგ "ელექტრონული ომი" მიმდინარეობს. ქვეყნის თავდაცვის მინისტრმა კი მასობრივ უშუქობაში აშშ დაადანაშაულა.

"არავინაა იმდენად გულუბრყვილო, რომ ეს შემთხვევითობას დააბრალოს", — განაცხადა თავდაცვის მინისტრმა. მისივე თქმით, "ეს აგრესია" მიმართულია ვენესუელისა და მისი ხალხსის დესტაბილიზაციისკენ.