პრემიერ-მინისტრი მამუკა ბახტაძე "ძალიან იაფფასიან პოლიტიკურ სპეკულაციას" უწოდებს ანაკლიის პორტის მშენებლობის გაჭიანურებაზე გავრცელებულ ინფორმაციას. ბახტაძე აღნიშნავს, რომ სურს, გულწრფელად, "გარკვეული ემოციებით" გამოხატოს თავისი აზრი ამის შესახებ:

"ისეთი ხალხი აკეთებს განცხადებას... არამგონია ბევრი ადამიანი არსებობდეს ისეთი, რომელსაც იმდენი ენერგია და დრო აქვს ამ პროექტში ინვესტირებული, როგორც მე, გინდა პრემიერ მინისტრის პოსტზე, გინდა ფინანსთა მინისტრობის დროს და გინათ რკინიგზაში".

პრემიერის თქმით, ანაკლიის ღრმაწყლოვანი პროექტი მისი ხედვის, მისი სტრატეგიის ნაწილია:

"ჩვენ ყველა დონეზე შევეცადეთ და მივიღეთ ძალიან ძლიერი შედეგი, რომ ყველა ფინანსური ინსტიტუტი ანაკლიას იხილავს პრიორიტეტად".