კომპანია Glovo თანამშრომლობას იწყებს საერთაშორისო სწრაფი კვების უმსხვილეს კომპანიასთან, Wendy's-თან, რომელიც მსოფლიოს მასშტაბით 6500-ზე მეტ ფილიალს ფლობს, საქართველოს ბაზარზე კი 2013 წლიდან არსებობს.

Glovo მსოფლიოში ერთ-ერთი ყველაზე წარმატებული სტარტაპია, რომელიც 2015 წელს ბარსელონაში დაფუძნდა. დღეს უკვე წამყვანი ტექნოლოგიური კომპანია, რომელიც მიტანის სერვისს მსოფლიოს 21 ქვეყანასა და 72 ქალაქში ახორციელებს, ქართულ ბაზარზე 2018 წლის ოქტომბერში შემოვიდა. ამჟამად კი მომხმარებლებს მისი აპლიკაციით სარგებლობა 4 ქალაქში: თბილისში, ბათუმში, ქუთაისსა და რუსთავში შეუძლიათ.

"Glovo-ს გუნდი მოხარულია, რომ ვენდისი, რომელიც საქართველოში ერთ-ერთ უმსხვილესი ბრენდია თავის სფეროში, ჩვენი პარტნიორი გახდა. ეს იმის დასტურია, რომ Glovo სწორი ნაბიჯებით აგრძელებს ოპერირებას საქართველოს ბაზარზე. ჩვენ ვამაყობთ იმ ფაქტით, რომ ჩვენს მომხმარებელს ვთავაზობთ სერვისს, რომელიც აკმაყოფილებს საერთაშორისო სტანდარტებს 3 კონკრეტული კრიტერიუმის მიხედვით: სისწრაფე, ხარისხი და სანდოობა. 4 მარტიდან Glovo-ს აპლიკაციაზე ჩართული იქნება ვენდის 6 რესტორანი თბილისში, 1 ქუთაისში და 1 ბათუმშიც.”, – ამბობს Glovo-ს საქართველოს გენერალური მენეჯერი გიგა ქერქაძე.

ფოტო: გლოვო

ვენდის პროდუქტების შეკვეთა მომხმარებლებს შეუძლიათ, როგორც აპლიკაციით, ასევე ვებ-საიტის მეშვეობით. ვენდის მენიუ შეგიძლიათ იხილოთ Fast Food კატეგორიაში, სადაც შესაძლებელია თქვენთვის სასურველი პროდუქტი: ბურგერების, კომბო მენიუების და სასმელების არჩევა. შემდგომ კი მარტივად შეგიძლიათ თვალი ადევნოთ თქვენს შეკვეთას. თანხის გადახდა კი შესაძლებელია როგორც ნაღდი ანგარიშწორებით, ისე საკრედიტო ბარათით.

ამჟამად, Glovo-ს სერვისის სარგებლობა შესაძლებელია დილის 10:00 საათიდან ღამის 3საათამდე. თუმცა უახლოეს მომავალში კომპანია გეგმავს 24საათიან რეჟიმზე გადასვლას ბაზარზე მოთხოვნიდან გამომდინარე.

"ვენდის" უგემრიელეს მენიუს Glovo თბილისის გარდა, ქუთაისსა და ბათუმშიც მოგართმევთ. რესტორნების კატეგორიიდან ვენდის პიცის შეკვეთაც შესაძლებელია. აღსანიშნავია ისიც, რომ უახლოეს მომავალში Glovo მალე Dunkin Donuts-თან კოლაბორაციასაც აპირებს, რითაც კიდევ უფრო გაიზრდება და მრავალფეროვანი გახდება მომხმარებელთა არჩევანი.