შინაგან საქმეთა მინისტრის, გიორგი გახარიას მხრიდან სავარაუდო მუქარაზე თიბისი ბანკის დამფუძნებელს, მამუკა ხაზარაძეს პროკურატურაში გამოკითხავენ. როგორც პროკურატურაში On.ge-ს უთხრეს, რომ გამოკითხვა თიბისი ბანკის საქმის ფარგლებში მოხდება.

"როდესაც პროცესუალურად დაადასტურებს მის მიერ გახმოვანებულ ბრალდებას მუქარაზე, პროკურატურა მოახდენს შესაბამის სამართლებრივ რეაგირებას", — განაცხადა პროკურატურამ.

დღეს, 4 მარტს პარლამენტში თიბისის დამფუძნებლებს უსმენენ. ამ სხდომაზე მამუკა ხაზარაძემ განაცხადა, რომ არჩევნების წინ მაღალჩინოსანმა წერილი მიწერა, რომლის მიხედვითაც მოთხოვნების შეუსრულებლობის შემთხვეევაში დაუნგრევდნენ რეპუტაციას ქვეყნისა და საერთაშორისო ასპარეზზე. შემდგომში ხაზარაძემ განმარტა, რომ ეს წერილი გახარიასგან მიიღო. ბიზნესმენმა აღნიშნა, რომ აღნიშნულთან დაკავშირებით პროკურატურა ინფორმირებული იყო.

გარდა ამისა, ხაზარაძემ განაცხადა, რომ ეროვნული ბანკის პრეზიდენტი და მისი მოადგილე აშანტაჟებდნენ. ის ორივე მათგანის პასუხისმგებლობის დაყენებას ითხოვს.

ამავე თემაზე: