ნიუ-იორკში 32 წლის ქალი ყვირილითა და დისკრიმინაციული შეძახილებით ორ მუსლიმ ქალს და მათ არასრულწლოვან შვილებს დაესხა თავს.

CNN-ის ინფორმაციით, ემირეტა ხელილმა სცადა მათთვის ხიჯაბი ჩამოეხსნა:

"ეს ამერიკის შეერთებული შტატებია, თქვენ არ გაქვთ უფლება ჩვნგან განსხვავებულები იყოთ. წადით აქედან, აქ თქვენი ადგილი არაა".

სამართალდამცავებმა მოგვიანებით ქალი დააკავეს სიძულვილით მოტივირებული დანაშაულის, თავდასხმისა და ბავშვებზე ძალადობის ბრალდებით. მათი განცხადებით, თავდამსხმელი საბავშვო ეტლში მჯდომი 11 და 15 თვის ბავშვების წაქცევასაც შეეცადა. პოლიციელების თქმით, დაზარალებულებს მნიშვნელოვანი დაზიანებები არ აღენიშნებათ.