ალბათ, ბევრჯერ ყოფილა ისეთი შემთხვევა, როცა შუაღამისას, მესენჯერში მეგობრებთან საუბრისას, თეთრ ეკრანს ჩვენთვის თვალები უტკენია. ფეისბუქმა მომხმარებლებს საქმე გაუადვილა და მესენჯერს ღამის რეჟიმის ფუნქცია დაუმატა.

ფოტო: androidpolice

თუ მოგბეზრდა მესენჯერის ნათელი, თეთრი ეკრანი, შეგიძლია ჩატში, მეგობართან მთვარის ემოჯი გაგზავნო, რის მერეც უამრავი მთვარე ამოიყრება და აპლიკაცია შეგატყობინებს, რომ ღამის რეჟიმი აღმოაჩინე. ოღონდ გაითვალისწინე, რომ მესენჯერი ბოლომდე უნდა გქონდეს განახლებული და ფუნქცია ყველასთვის ჯერ არაა ჩართული.

რეჟიმის ჩართვა-გამორთვა პარამეტრებიდან შეიძლება.

ფოტო: Redmond Pie

ფეისბუქმა მესენჯერს ცოტა ხნის წინ კიდევ რამდენიმე ფუნქცია დაუმატა, მათ შორის, გაგზავნილი მესიჯების წაშლა.