ფრანგული შამპანურის ლეგენდარულმა ბრენდმა, Moët & Chandon, ქართულ ინტერნეტჟურნალ Hammock-თან ერთად თებერვალში ახალი პროექტი "დაუვიწყარი მომენტების აღსანიშნავად" წამოიწყო. ეს კოლაბორაცია მარადიულ, ყველასთვის მნიშვნელოვან და მუდამ საინტერესო თემას, სიყვარულს შეეხებოდა.

ერთი თვის განმავლობაში Moët & Chandon-ის მხარდაჭერით Hammock-ის ვებგვერდსა და სოციალურ ქსელებში ქვეყნდებოდა რეჟისორ გიორგი მაისურაძის გადაღებული, ვიზუალურად შთამბეჭდავი ვიდეოები ახალგაზრდა, გამორჩეულ წყვილებზე.

ვიდეოების ციკლში იხილავთ მოდელ ლიკა რიგვავას და მუსიკოს გაჩა ბაქრაძეს, არტისტ ანდრო ერაძეს და არტ-კურატორ ელენე აბაშიძეს, ბრენდ Moët & Chandon-ის ელჩს საქართველოში, მოდელ სალომე ღვინიაშვილს და მის მეუღლეს, ფეხბურთელ ზურა ხიზანიშვილს.

სულ ცოტა ხნის წინ Moët & Chandon-ისა და Hammock-ის კოლაბორაციის ბოლო ნამუშევარიც გამოქვეყნდა.