გალში ინციდენტების პრევენციისა და მასზე რეაგირების შეხვედრის ფარგლებში გიგა ოთხოზორიას მკვლელობას განიხილავენ. როგორც შერიგების საკითხებში სახელმწიფო მინისტრმა, ქეთევან ციხელაშვილმა განმარტა, ოთხოზორიას მკვლელობაში ბრალდებული ჯერ კიდევ თავისუფალია:

"მთავარი საკითხი გიგა ოთხოზორიას მკვლელობა იქნება. იცით, რომ 27 მაისს ამ თემის გარშემო მოხერხდა IPRM-ის შეხვედრების აღდგენა 4 წლიანი პაუზის შემდეგ და შესაბამისად ეს საკითხი ერთ-ერთი ყველაზე მთავარი თემა გახლავთ. არის ბევრი გაურკვეველი თემა, ბევრი კითხვის ნიშანი და მკვლელი არის დასასჯელი".

შეხვედრის ფაგრლებში ასევე განიხილავენ აფხაზეთის იზოლატორში დარჩენილი საქართველოს მოქალაქის საკითხსა და ადგილობრივი მოსახლეობის გადაადგილების შეზღუდვას.

19 მაისს ზუგდიდის რაიონის სოფელ ხურჩაში, საოკუპაციო ხაზის მიმდებარედ, გალის რაიონის სოფელ ბარღების მკვიდრი, გიგა ოთხოზორია მოკლეს.