სერბეთის პრემიერ-მინისტრის, ანა ბრნაბიჩისა და მის ლესბოსელ პარტნიორს მილიჩა ჯურჯიჩს შვილი ეყოლათ. BBC ინფორმაციით ეს პირველი შემთხვევაა მსოფლიოში, როდესაც მთავრობის ლიდერს მმართველობის პერიოდში გეი პარტნიორთან შვილი ეყოლა. როგორც გამოცემა წერს, მილიჩა ჯურჯიჩმა შვილი ხელოვნური განაყოფიერების დახმარებით გააჩინა.

43 წლის ბრნაბიჩი ერთდროულად გახდა პირველი ქალი და პირველი ღიად გეი, რომელმაც სერბეთში პრემიერ-მინისტრის პოსტი წელს დაიკავა. მისი არჩევა მოულოდნელ ნაბიჯად შეაფასეს, რადგან სერბეთში ერთნაირი სქესის მქონე პირების ქორწინება დაკანონებული არ არის.

სერბეთი კონსერვატორული ქვეყანაა. კონსტიტუციაში მკაფიოდ არის განმარტებული ქორწინება, როგორც ქალისა და კაცის ერთობა, ხოლო გეებს შორის სამოქალაქო პარტნიორობა ოფიციალურად მიღებული არაა. გარდა ამისა, გეი წყვილებს ბავშვების შვილება ეკრძალებათ, თუმცა ერთ პირს ორიენტაციის მიუხედავად უფლება აქვს ბავშვი აიყვანოს.

ქვეყანაში რამდენიმე კანონი მიიღეს, რომელიც დისკრიმინაციისა და უთანასწორობის წინააღმდეგ არის მიმართული, თუმცა ლგბტ აქტივისტები ამბობენ, რომ უფრო მეტია საჭირო. გარდა ამისა, ბევრი აქტივისტი პრემიერ ბრნაბიჩს აკრიტიკებს, რადგან ლგბტ თემის მხარდასაჭერად საკმარისად არ მუშაობს.