სკოლის გამოსაშვები გამოცდების გაუქმების შემდეგ ბიუჯეტიდან 1,5 მილიონი ლარი გამოთავისუფლდა, რომელიც გამოცდების ორგანიზებისთვის იყო გათვალისწინებული. განათლების სამინისტროს გეგმით, ეს თანხა გამოცდების ეროვნულ ცენტრს უნდა გადაეცეს.

სამინისტროს მიერ შემუშავებულ ზოგადი განათლების შესახებ კანონპროექტში წერია, რომ თანხა მოხმარდება ცენტრის განხორციელებულ სხვადასხვა ღონისძიებებს. მათ შორის, საერთაშორისო საგანმანათლებლო კვლევების დაფინანსებას.

ფოტო: კადრი კანონპროექტიდან ზოგადი განათლების შესახებ

ზოგადი განათლების შესახებ კანონში ცვლილებების პაკეტი სამინისტრომ პარლამენტს 6 თებერვალს წარუდგინა. უწყებაში განმარტავენ, რომ კანონპროექტის მიღების მიზეზს წარმოადგენს პრიორიტეტი, მე-11 მე-12 კლასელებთან მიმართებაში აქცენტი განათლების რეალურ მიღებაზე გაკეთდეს და არა სკოლის გამოსაშვები გამოცდებისათვის მომზადებაზე.