პარტიების ფინანსური მონიტორინგის სამსახურმა გამოაქვეყნა აგვისტოში პარტიების მიერ შემოწირულობის სახით მიღებული შემოსავლები. წინა თვეების მსგავსად, აგვისტოში ყველაზე მეტი შემოსავალი ქართულმა ოცნებამ მიიღო. ფიზიკურმა და იურიდიულმა პირებმა მმართველ პარტიას 5 593 420 ლარი შესწირეს.

შემოწირულობების ოდენობის მხრივ მმართველ გუნდს რამდენიმე მილიონით ჩამორჩება პაატა ბურჭულაძის პარტია მოძრაობა სახელმწიფოს ხალხისთვის. აღნიშნულმა პოლიტიკურმა ძალამ აგვისტოში 662 014 ლარი მიიღო.

მიღებული შემოწირულობის მიხედვით, მესამე ადგილზეა ნაციონალური მოძრაობა 475 824 ლარით, მეოთხეზე კი - პატრიოტთა ალიანსი 267 207 ლარით.

რაც შეეხება დანარჩენ პოლიტიკურ სუბიექტებს, მათ მიერ აგვისტოში მიღებული შემოწირულობები ეროვნულ ვალუტაში ასე გამოიყურება:

  • თავისუფალი დემოკრატები - 107 996;
  • გაერთიანებული დემოკრატიული მოძრაობა (ნინო ბურჯანაძის პარტია) - 107 996;
  • ახალი პოლიტიკური ცენტრი - გირჩი - 86 366;
  • სამოქალაქო პლატფორმა - ახალი საქართველო - 52 999;
  • ჩვენი სამშობლო - 50 000;
  • საქართველოს რესპუბლიკური პარტია - 20 731;
  • საქართველოს ქრისტიან-კონსერვატიული პარტია - 17 800;
  • ეროვნული ფორუმი - 12 020;
  • საქართველოს მშვიდობისათვის - 6 370;
  • საქართველოს ლეიბორისტული პარტია - 5 000;
  • ეროვნულ-დემოკრატიული პარტია - 576;
  • ქართული დასი - 125;
  • თავისუფალი საქართველო -15;
  • დამოუკიდებელი კანდიდატები - 268 006;