7 სექტემბრის მთავრობის სხდომაზე, პრემიერ მინსიტრმა გიორგი კვირიკაშვილმა განაცხადა, რომ საქართველოში გარემოსდაცვითი მენეჯმენტისა და პოლიტიკის შესახებ ახალი 2-წლიანი სამაგისტრო პროგრამა შეიქმნება:

"ჩვენი მთავრობის უმთავრესი პრიორიტეტია გარემოს დაცვა. გარემოს დაცვითი მენეჯმენტისა და პოლიტიკის მიმართულებით ეს არის პირველი სამაგისტრო პროგრამა, რომელიც ხორციელდება საქართველოს საზოგადოებრივ საქმეთა ინსტიტუტისა და გერმანიის საერთაშორისო თანამშრომლობის საზოგადოების (GIZ) ერთობლივი ძალისხმევით. GIZ-ი აფინანსებს 90%-მდე აღნიშნული პროგრამის საფასურს".

მისივე განმარტებით სამაგისტრო პროგრამა გარემოს დაცვითი მენეჯმენტი და პოლიტიკა არის ქვეყნის განათლების სისტემისათვის ახალი მიმართულება, რომლის უმთავრესი მიზანია გარემოსდაცვითი მენეჯმენტისა და პოლიტიკის სფეროში კვალიფიციური კადრების მომზადება.