მოჭიდავე ზურაბ დავითაშვილი ამბობს, რომ ის საქართველოს ჭიდაობის ფედერაციის მხრიდან იბლოკებოდა და მსოფლიო ჩემპიონატში მონაწილეობის უფლებას არ აძლევდნენ. მისი თქმით, მიზეზი ის იყო, რომ ორი სპორტსმენიდან ერთის არჩევისას მისი, მწვრთნელებისა და ფედერაციის ხელმძღვანელობის პოზიციები ერთმანეთს არ დაემთხვა.

დავითაშვილმა მსაჯების მიერ ხელმძღვანელობასთან შეთანხმებულ გადაწყვეტილებებზე ტელეკომპანია რუსთავი 2-ის ეთერში ისაუბრა და საქართველოს ჩემპიონატი გაიხსენა. ამ დროს დაპირისპირება ქულის გამო დაიწყო, მოგვიანებით კი მას ფედერაციის პრეზიდენტმა, გეგა გეგეშიძემ მუშტი ჩაარტყა

"არბიტრები ჩამოყვანილი ჰყავდათ უცხოეთიდან. რასაც ეტყვიან ამ მსაჯს, ისიც იმას გააკეთებს. შეიძლება, ისე არ გააკეთოს, რომ ძალიან გამოჩნდეს, მაგრამ გააკეთებს", — თქვა დათუნაშვილმა.