შინაგან საქმეთა სამინისტროს ინფორმაციით, პოლიციამ დააკავა პირი, რომელსაც ბრალად ედება იეჰოვას მოწმეზე ძალადობა. უწყების ინფორმაციით, დაკავებულმა დაზარალებულს რელიგიურ მოღვაწეობასთან დაკავშირებით სიტყვიერი და ფიზიკური შეურაცხყოფა მიაყენა.

საქმეზე გამოძიება სისხლის სამართლის კოდექსის 156-ე მუხლის მეორე ნაწილის "ა" ქვეპუნქტით მიმდინარეობს. ამ მუხლით ძალადობით ან მუქარით ადამიანის დევნა აღმსარებლობის, რწმენის ან მრწამსის გამო, ანდა რელიგიურ მოღვაწეობასთან დაკავშირებით ისჯება ჯარიმით ან შინაპატიმრობით ვადით ერთიდან ორ წლამდე ანდა თავისუფლების აღკვეთით ვადით სამ წლამდე.