თბილისის მერმა, კახა კალაძემ რუსთავი 2-ის ჟურნალისტს შეურაცხყოფა მიაყენა. ჟურნალისტმა კალაძეს ქართული ოცნების ვაკის ოფისიდან ფულის სავარაუდო დაკარგვასთან დაკავშირებით არაერთი დამაზუსტებელი კითხვა დაუსვა.

კითხვას, შესაძლებელია თუ არა, რომ დაკარგული თანხის ანაზღაურება თბილისის მერიის ბიუჯეტიდან მომხდარიყო, კალაძემ ბოდიალი უწოდა.

"რა თბილისის ბიუჯეტიდან, რეებს ბოდიალობთ? როგორ უნდა მომხდარიყო კერძო ფულის ანაზღაურება ბიუჯეტიდან? შეგიძლიათ ამიხსნათ? არასერიოზულად მესაუბრებით, ხომ არ გეჭორავებით.. არ მაქვს ზუსტი ინფორმაცია. რომ გეუბნებით არ გესმით?! თუ გინდათ იტალიურად გეტყვით?", — მიმართა კალაძემ ჟურნალისტს.

მისივე თქმით, თანხის დაკარგვასთან დაკავშირებით გამოძიება მიმდინარეობს და მას ზუსტი ინფორმაცია არ აქვს. ჟურნალისტმა კალაძეს უთხრა, რომ როგორც ცნობილია, ეს თანხა არჩევნებში დასაქმებული ქართული ოცნების აქტივისტების დასაფინანსებლად იყო, რაზეც კალაძემ თქვა, რომ ეს ტყუილია.

ჟურნალისტმა კალაძეს კითხა, როგორ მოხდა ამ თანხის უკან დაბრუნება, რაზეც კალაძემ უპასუხა, რომ არ იცის და ეს საკითხი გამოძიებასთან უნდა გაარკვიოს.