წესით, ახალი ამბავი არ იქნება თუკი გაიგებთ, რომ უილიამ ჰანასა და ჯოსეფ ბარბერას მიერ შექმნილი საკულტო პერსონაჟები, ტომი და ჯერი ეკრანზე კიდევ ერთხელ გამოჩნდებიან.

Warner Bros.-ის გადაწყვეტილებით, მსოფლიოში ერთ-ერთი ყველაზე პოპულარული ანიმაციური დუეტი, ეკრანს მხატვრული ფილმის სახით 2019 წლის ბოლოსკენ დაუბრუნდება.

თუმცა, ეს ყველაფერი არ არის! როგორც აღმოჩნდა, შესაძლოა ფილმში ვიხილოთ ოსკარის მფლობელი და ჩვენი დროის ერთ-ერთი ყველაზე პოპულარული მსახიობი, ჯენიფერ ლოურენსი.

თუ ჭორებს დავუჯერებთ, კინოსტუდია ლოურენსს ერთ-ერთ როლზე განიხილავს, თუმცა ამ ეტაპზე უცნობია თანახმაა თუ არა მსახიობი, რომ ეკრანს ამ სურათით დაუბრუნდეს.

ფოტოს გავრცელების შემდეგ განმარტებები არ გაკეთებულა, თუმცა ტვიტერზე დაიწერა, რომ ის, რომ ფოტოზე ჯენიფერ ლოურენსია გამოსახული, არ ნიშნავს, რომ ისინი ამ ფილმში ითამაშებენ. შესაძლოა, ეს მხოლოდ მიანიშნებდეს იმაზე, რომ კინოსტუდიას ჯენიფერ ლოურენსის ტიპაჟის მსახიობი სჭირდება ქალის მთავარი როლისთვის.

ჩვენ ისღა დაგვრჩენია, დაველოდოთ საბოლოო პასუხს და გავიგოთ, ითამაშებს თუ არა ჯენიფერი ამ ფილმში.

რაც შეეხება ლოურენსს, მსახიობმა გასული წლის თებერვალში თქვა, რომ კარიერაში შესვენების აღებას აპირებდა. თუმცა, ეს იმას არ ნიშნავს, რომ მას კინოეკრანზე არ ვიხლავთ. ტაიმ-აუტის აღებამდე, მსახიობმა Dark Phoenix-ში ითამაშა, რომლის პრემიერაც 2019 წლის თებერვალში შედგება.