იტალიის ქალაქ ნეაპოლში საქართველოს მოქალაქე მოკლეს. რუსთავი 2-ის ინფორმაციით, გარდაცვლილი მხატვარი თამარ მოდებაძეა.

შინაგან საქმეთა სამინისტროს ინფორმაციით, გამოძიებას იტალიური მხარე აწარმოებს. როგორც მათ On.ge-ს უთხრეს, გამოძიების ინტერესებიდან გამომდინარე იტალიური მხარე დეტალებს არ ასაჯაროებს.

საქართველოს კონსული იტალიაში თამთა რჩეულიშვილი რუსთავი 2-თან სატელეფონო საუბრისას ამბობს, რომ ცხედარი ექსპერტიზისთვის პროზექტურაშია გადასვენებული. მისივე თქმით, ინფორმაცია ეჭვმიტანილის შესახებ ჯერჯერობით არაა.

"ჯერჯერობით დამატებითი ინფორმაცია არ გვაქვს, სანამ ექსპერტიზა არ ჩატარდება და მიმდინარეობს აქტიური საგამოძიებო მოქმედებები".