თბილისში, ვერაზე დაჭრისა და მანქანის ჩაცხრილვის საქმეზე შინაგან საქმეთა სამინისტრომ ორი პირი დააკავა. ერთ დაკავებულს განზრახ მკვლელობის მცდელობა, ხოლო მეორეს დანაშაულის შეუტყობინებლობა ედება ბრალად.

გამოძიების ინფორმაციით, 15 იანვარს თბილისში, თავდამსხმელმა 1988 წელს დაბადებულ კაცს ცეცხლსასროლი იარაღით დაჭრა და შემთხვევის ადგილიდან მიიმალა. დაჭრილი საავადმყოფოში გადაიყვანეს.

შსს განმარტებით, მომხდარიდან რამდენიმე საათში დააკავა ბრალდებული, რომელიც ასევე დაჭრილი იყო. უწყების თქმით, დაკავებული სამართალდამცველებთან მისი დაჭრის ფაქტზე არ თანამშრომლობს.

შინაგან საქმეთა სამინისტრო ბრალდებულის დაჭრასთან დაკავშირებით, დამნაშავის იდენტიფიცირებისა და დაკავების მიზნით, საგამოძიებო მოქმედებებს ახორციელებს. პოლიციამ დაკავებულის მეგობარი დანაშაულის შეუტყობინებლობის ბრალდებით დააკავა.