რეგიონული მედიის წარმომადგენლებთან შეხვედრაზე, ბათუმში, ბიძინა ივანიშვილმა ჟურნალისტებს მოუწოდა, რომ ძირითადად კითხვები პოლიტიკურ პარტიებზე და მათ ლიდერებზე დაუსვან:

"ძირითადი თხოვნა რაც იქნებოდა ჩემი, რომ კითხვებში მაქსიმალურად შეეცადეთ სწორედ რომ პარტიებზე დამისვათ, ლიდერები ამ პარტიების, მათი დახასიათება იქნება საინტერესო".

ყოფილი პრემიერი აცხადებს, რომ საზოგადოებისთვის მნიშვნელოვანია პოლიტიკურ პარტიებზე მისეული ანალიზი და ხედვა მოისმინონ, რომ არჩევნებზე სწორი გადაწყვეტილება მიიღონ.

"შეხვედრები რეგიონულ მედიასთან", - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერ-მინისტრი ბიძინა ივანიშვილი მონაწილეობს.

გადაცემას 2030-ის ჟურნალისტები ნათია თოიძე და მიხეილ ფეიქრიშვილი უძღვებიან. პროექტის პირველი გადაცემა 1 სექტემბერს, 12:00 საათზე აჭარიდან გავიდა GDS-ის პირდაპირ ეთერში.