უკრაინის პრეზიდენტმა, პეტრო პოროშენკომ კიევის პატრიარქ ფილარეტს გმირის წოდება მიანიჭა. ფილარეტი უკრაინის მართლმადიდებელი ეკლესიის ავტოკეფალიის პროცესს ედგა სათავეში.

პრეზიდენტმა, პეტრო პოროშენკომ აღნიშნა, რომ განუზომელია ის წვლილი, რომელიც ფილარეტმა უკრაინის ეკლესიისთვის ბრძოლაში გაიღო.

"ის იყო, არის და იქნება უკრაინული ეკლესიისა და ხალხის სულიერი ლიდერი. ამიტომაც მივიღე გადაწყვეტილება მისთვის გმირის წოდება მიმენიჭებინა", - წერს პოროშენკო ფეისბუქზე.

6 სტამბოლში წმინდა გიორგის ტაძარში მსოფლიო პატრიარქმა ბართლომემ უკრაინის მართლმადიდებელი ეკლესიის წინამძღოლს, მიტროპოლიტ ეპიფანს ტომოსი გადასცა, რითაც ახალი ეკლესიის შექმნა ფორმალურად დასრულდა. უკრაინის მართლმადიდებლური ეკლესია გახდა მე-15 ადგილობრივი ეკლესია

ტომოსის გადაცემა უკრაინის ეკლესიის აღიარების ბოლო ეტაპია. დოკუმენტი, ფაქტობრივად, ეკლესიის კონსტიტუციაა, რომელშიც ეკლესიის არსებობის საკვანძო საკითხებია გაწერილი: მისი მართვის მოდელი, კონსტანტინოპოლთან და სხვა ადგილობრი ეკლესიებთან ურთიერთობები და ა.შ.

მსოფლიო პატრიარქმა ბართლომემ ტომოსს ხელი 5 იანვარს მოაწერა. ტომოსის გადაცემისთვის კიევიდან სტამბოლში მრავალრიცხოვანი დელეგაცია ჩავიდა. მათ შორის იყვნენ სასულიერო პირები, უკრაინის მთავრობის წევრები, უმაღლესი რადას სპიკერი და პრეზიდენტი პეტრო პოროშენკო. ისინი ტომოსის საზეიმო ხელმოწერასაც ესწრებოდნენ.