გინდ დაიჯერეთ, გინდ არა - ფილმი ტიტანიკი 21 წლის არის და უკვე ითვლება ჰოლივუდის კლასიკად.

21 წლის არის ლეონარდო დიკაპრიოს ახალი შეყვარებული - კამილა მორონეც, რომელსაც ოსკაროსანი მსახიობი უკვე თითქმის ერთი წელია ხვდება.

მსახიობმა და მოდელმა ურთიერთობა გასული წლის აპრილში დაიწყეს და თუ ტაბლოიდებს დავუჯერებთ, საქმე საკმაოდ სერიოზულადაც არის.

დიკაპრიოს შესახებ რაც დანამდვილებით ვიცით, არის ის, რომ დიდებული მსახიობია. რაც შეეხება მის შეყვარებულს, კამილა ჯერჯერობით სამოდელო სფეროში დამწყებია. მისი პირველი გამოჩენა 2016 წელს მოხდა, როდესაც თურქული ვოგის ყდას ამშვენებდა.

ფოტო: Vogue

სამოდელო საქმიანობის გარდა, კამილამ ძალები კინობიზნესშიც მოსინჯა და 2018 წელს ორ მხატვრულ ფილმში გამოჩნდა. ერთ-ერთ ფილმში Death Wish მისი პარტნიორი ბრიუს უილისი იყო.

შოუ-ბიზნესის მიღმა, კამილა თავისი შეყვარებულის მსგავსად, აქტიურად არის დაკავებული გარემოს დაცვითაც და მონაწილეობას იღებს სხვადასხვა საქველმოქმედო საქმიანობაში.

თუ კამილას შესახებ უფრო მეტი ინფორმაციის გაგება გსურთ, შეგიძლიათ მის აქტივობას თვალი ინსტაგრამზე ადევნოთ.