ეკა ბესელია: მე არავის არ ვურჩევ ჩემთან ამ ტონში საუბარს

7 Jan. 2019, 19:16

ვიდრე ასეთი ტონალობით ვისმენ კომენტარებს, რომ ყველამ დაიცვას წესები და გუნდურობა... მე არავის არ ვურჩევ ჩემთან ამ ტონში საუბარს. მე არავის არ ვემუქრები. ეს არის ჩემი კეთილგანწყობილი და ზრუნვით განპირობებული პოზიცია.

მე გული მტკივა იმიტომ, რომ ეს გუნდი თუ ეს პოლიტიკური ძალა ჩემს თვალწინ დაიბადა და მე არ ვარ ადამიანი, რომლისთვისაც სულ ერთია, რა ნაბიჯებს გადადგამს ქართული ოცნება.

თავი დაანებოს ყველამ ჩემს გამოცდას და თითის ქნევას, ჩემი გამოცდა დასრულდა იმ დროს, როცა იმ რეჟიმმა [ნაციონალურმა მოძრაობამ] უსასტიკესად გამომცადა და ჩემი ოჯახის ორი უსაყვარლესი წევრი მძევლად აიყვანა. ნუღა გამომცდიან, მე ეს გამოცდები დიდი ხნის წინ დავასრულე. სია უნდა გაიწვიოს იუსტიციის უმაღლესმა საბჭომ უკან, რომელიც დღესაც პარლამენტში დევს.

ბოლო ამბები: