გასულ წელს ოქროს გლობუსზე მსახიობებმა სექსიზმის, ბულინგისა და სექსუალური შევიწროების გასაპროტესტებლად წითელ ხალიჩაზე შავი ტანისამოსი მოირგეს.

შეიძლება ითქვას, რომ ეს იყო პირველი ყველაზე მასშტაბური პროტესტი დაჯილდოების ისტორიაში და #WhyWeWearBlack სოციალურ ქსელში ერთ-ერთ ყველაზე ხშირად გამოყენებულ ჰეშტეგად იქცა.

Time’s Up-ის გარეშე არ ჩაივლის წლევანდელი გლობუსიც. მსახიობებმა გადაწყვიტეს ცერემონიას სპეციალურად დამზადებული გულსაბნევებით დაესწრონ და კიდევ ერთხელ გააპროტესტონ სექსუალური შევიწროება.

კამპანია TIMESUPx2 მინიშნებაა იმაზე, რომ ჰოლივუდელი ქალები გაჩერებას არ აპირებენ და ბოლომდე იბრძოლებენ კინოინდუსტრიაში და არამხოლოდ იქ, გენდერული სტერეოტიპებისა და სექსიზმის აღმოსაფხვრელად.