თბილისის მერია 2019 წლის საახალწლო ორ კლიპში ჯამში 150 ათას ლარს ხარჯავს. ორივე შემთხვევაში მომსახურება ტენდერის გარეშე სრულდება.

"საკითხის სპეციფიკიდან გამომდინარე, მუდმივად იცვლება და იხვეწება ვიზუალურ-გამომსახველობითი ტენდენციები, რაც ხშირად ხელს უშლის ვიდეო პროდუქციის წინასწარ დაკვეთის დაგეგმვას", — ასეა ახსნილი მომსახურების ტენდერის გარეშე ყიდვა.

ერთ-ერთი ვიდეოკლიპით, რომელზეც ბიუჯეტიდან 50 ათასი ლარი იხარჯება, თბილისის მერია მოსახლეობას საახალწლო ღონისძიებებზე იწვევს.

მეორე ვიდეო ახალი წლის მისალოცი იქნება. მისი გადაღება-დამზადება 100 000 ლარი ჯდება.

ამ ხარჯის გარდა თბილისის მერიას 2019 წლის საახალწლო ღონისძებები 1 778 800 ლარი დაუჯდა.