10 ტიპის Facebook სტატუსი ტაქსის მძღოლებზე, რომელიც ყველას ყელში ამოუვიდა

როდესაც გვეჩქარება, ან უბრალოდ საზოგადოებრივი ტრანსპორტით მგზავრობა ძალიან გვეზარება, ტაქსი საუკეთესო, თუმცა საკმაოდ ძვირი გამოსავალია.

ასე თუ ისე, ტაქსით გადაადგილება და ტაქსის მძღოლებთან ურთიერთობა ჩვენი ცხოვრების ნაწილად იქცა, ისევე, როგორც ტაქსით მგზავრობის პროცესის ფეისბუქზე დეტალურად აღწერა. უკმაყოფილო თუ კმაყოფილი მგზავრები მეგობრების გასამხიარულებლად ნამდვილ ან ნახევრად ნამდვილ, სახუმარო ისტორიებს პოსტავენ.

დღეს ტაქსის მძღოლებზე იმ 10 ტიპის ფეისბუქ სტატუსს წარმოგიდგენთ, რომელიც სინამდვილეში ყველას ყელში ამოგვივიდა:

1. მთელი გზა რუსულ სიმღერებს რომ უსმენდა

და მგზავრმა პროტესტის ნიშნად ყურსასმენები გაიკეთა, ტაქსის მძღოლის კითხვა "აქ შევუხვიო?" ვეღარ გაიგო და მძღოლმაც იარა და მერე მგზავრობის საფასური დაამატებინა. ჭირი იქა, ლხინი აქა.

2. მანქანის სალონში რომ "ჰაერი გააფუჭა"

ან უკვე გაფუჭებული ჰქონდა და დამნაშავის სახით იჯდა.

3. ხურდა რომ არ ჰქონდა

და მთელი უბნის მაღაზიები 50-ლარიანის დასაშლელად მოატარა.

4. ჯერ ჩაისვა და მერე აღმოჩნდა, რომ მისამართი არ იცოდა

როგორც წესი, მსგავს ფაქტებს მანქანიდან გადმოსვლა, ლანძღვა, ფშვნა და მტვრევა მოჰყვება ხოლმე.

5. კარგი მუსიკალური გემოვნება აღმოაჩნდა (ლედ ზეპელინი ჰქონდა ჩართული)

და მგზავრს მანქანიდან გადმოსვლა აღარ უნდოდა (ერთად ცხოვრობდნენ დიდხანს და ბედნიერად).

6. ყვებოდა, რომ ტურისტები გაასულელა და ბევრი ფული წაღლიტა

ნუ, მსგავსი ისტორიების მოსმენა ობიექტურად იწვევს შეშფოთებას.

7. გზების აზრზე არ იყო და სულ საცობებში ატარა

ჯობია გაგებით მოვეკიდოთ ხოლმე, ხომ იცით, თბილისი საცობებით სავსე ქალაქია.

8. სასიამოვნო საუბრის შემდეგ ფული არ გამოართვა

და შესთავაზა — თუ მალე ბრუნდები აქ დაგელოდები და უკან წაგიყვანო.

9. წითელზე არ აჩერებდა და დანიშნულების ადგილზე 3 წუთში ფრენით მივიდა

ასეთ შემთხვევებში ხალხური სიბრძნე "მოჩქარეს მოუგვიანდესო" ეჭვქვეშ დგება ხოლმე.

10. ნორმალური ტაქსისტი აღმოჩნდა და მგზავრობისას არაფერი განსაკუთრებული არ მომხდარა

გასაგებია, რომ ეს იუმორის განსაკუთრებული მიმდინარეობაა, თუმცა უკვე იმდენჯერ დაიწერა, რომ მომავალში რამე უფრო ორიგინალურის მოფიქრება გვმართებს.

ბოლო ამბები:

გირჩევთ