ინდონეზიაში ცუნამის მსხვერპლთა რიცხვი 370-ს გადასცდა. ამ დროის მონაცემებით 1456 პირი არის დაშავებული, ხოლო 128 დაკარგულად ითვლება.

23 დეკემბერს ინდონეზიაში ძლიერი ცუნამი გამოიწვია ვულკან კრაკატაუს ამოფრქვევამ. სტიქიამ კუნძულ სუნდა სტრაიტს დაარტყა. ვულკანი მეორე დღესაც ამოიფრქვა.

ვულკანთან ახლოს დასახლებული პუნქტები უკვე გააფრთხილეს, რომ ვულკანის ახალმა ამოფრქვევამ, შესაძლოა, კიდევ ერთი ცუნამი გამოიწვიოს. როგორც BBC წერს, მაშველებს მუშაობაში ხელს უშლის გადაკეტილი გზები.

ინდონეზიის კუნძულები ცუნამისა და მიწისძვრის მსხვერპლი ხშირად ხდება, რადგან ის წყნარი ოკეანის ვულკანების ცეცხლოვან რკალშია მოხვედრილი. ამ რკალში მდებარეობს ყველაზე მეტი მოქმედი ვულკანი, რის გამოც წყნარ ოკეანეში ხშირი მიწისძვრაა, რაც შემდგომში ცუნამის იწვევს.

მიმდინარე წლის სექტემბერში ორი ათასზე მეტი ადამიანი გარდაიცვალა, როდესაც კუნძულ სულავესზე ძლიერი მიწისძვრა მოხდა. 2004 წელს კი ინდოეთის ოკეანეში მომხდარი მიწისძვრით გამოწვეულმა ცუნამიმ 13 ქვეყანაში 228 ათასზე მეტი ადამიანის სიცოცხლე იმსხვერპლა, ძირითადად გარდაცვლილები იყვნენ ინდონეზიიდან.

ფოტო: Nurul Hidayat / Bisnis Indonesia / EPA

ფოტო: Alexander Gerst / EPA / NASA

ფოტო: Mohd Rasfan / AFP / Getty Images

ფოტო: Ronald / AFP / Getty Images

ფოტო: AP