სოციალურ მედიაში დამყარებული რეკორდებისა და წარმატებული წლის შემდეგ, სამხრეთ კორეულმა K-pop ჟანრის ჯგუფმა BTS-მა 2018 წლის დასრულებამდე კიდევ ერთი ტიტულის მოპოვება შეძლო.

ჟურნალ Time-ის მკითხველების გამოკითხვაში, ჯგუფმა წლის ადამიანის ტიტული მოიპოვა და უკან ჩამოიტოვა სტამბოლში მდებარე საუდის არაბეთის საკონსულოში მოკლული ჟურნალისტი ჯამალ ხაშოგი, ტაილანდელი მყვინთავები — რომლებმაც 17 დღის შემდეგ მღვიმეში ჩარჩენილი ბავშვები და მწვრთნელი გამოიყვანეს და ამერიკის ყოფილი პირველი ლედი მიშელ ობამა.

Time-ის წლის ადამიანის ტიტული ერთ ადამიანს, ჯგუფს ან იმ მოვლენას ენიჭება, რომელიც 2018 წლის მასშტაბით ყველაზე გავლენიანი იყო. BTS გამოცემამ 2017 წელს 25 ყველაზე გავლენიანი ადამიანების სიაშიც დაასახელა.

Time-მა 11 დეკემბერს თავის რჩეულიც დაასახელა და წლის ადამიანის ტიტული იმ ჟურნალისტებს მიანიჭა, რომლებმაც სიმართლისთვის ბრძოლას სიცოცხლე და თავისუფლება შესწირეს.

შენიშვნა: Time-ის გამოკითხვა 7 დეკემბერს დასრულდა, თუმცა მკითხველებს ხმის დაფიქსირება კვლავაც შეუძლიათ, რის გამოც, მასში ახლა დონალდ ტრამპი ლიდერობს.