ახალი წლის საღამომდე ერთი დღით ადრე, ამერიკის შტატ იუტაში ალკოჰოლის ზემოქმედებების ქვეშ მანქანის მართვაზე სასჯელი გამკაცრდება.

ეს იმას ნიშნავს, რომ ადგილობრივები კიდევ უფრო ფრთხილად იქნებიან და კარგად დაფიქრდებიან, მანამ, სანამ ნასვამ მდგომარეობაში წვეულების დატოვებისას საკუთარ მანქანის საჭეს მიუსხდებიან.

გამკაცრებული კანონი ძალაში 30 დეკემბრიდან შედის. მისი მიხედვით, სისხლში ნორმირებული ალკოჰოლის დონე 0,05 პროცენტამდე დაიწევს და აკრძალულ მაჩვენებელზე მომხდარ ფატალური ავარიისთვის სასჯელიც გამკაცრდება.

ამერიკის სხვა შტატებში, მანქანის მართვისას სისხლში ალკოჰოლის 0,08%-ის შემცველობა არალეგალურია. იუტაში ეს მაჩვენებელი 0,05 პროცენტამდე შემცირდება, რაც ნიშნავს, რომ შტატს ქვეყნის მასშტაბით მანქანის ალკოჰოლის ზემოქმედების ქვეშ მართვაზე ყველაზე მკაცრი კანონი ექნება.

ადგილობრივი სამართალდამცავების თქმით, ბოლო 5 წლის განმავლობაში, ალკოჰოლის ზემოქმედების გამო ყოველდღიურად საშუალოდ 29 ფატალური ავტოსაგზაო შემთხვევა ფიქსირდება.