შინაგან საქმეთა მინისტრმა გიორგი გახარიამ პარლამენტში სიტყვით გამოსვლის დასრულებისთანავე განაცხადა, რომ დააკავეს პირი, რომელმაც 18 დეკემბერს გურჯაანში ის მანქანა დააზიანა, რომელში ქართული ოცნების დეპუტატები: სოფიო ქაცარავა და თამარ ხულორდავა ისხდნენ.

"ახლახანს შემატყობინეს, რომ ჩვენს დეპუტატებზე თავდამსხმელი დაკავებულია, "სუს-ის აგენტი" — თქვა გიორგი გახარიამ.

შინაგან საქმეთა სამინისტროს მიერ გავრცელებულ განცხადებაში ნათქვამია, რომ ბრალდება 4-იდან 7 წლამდე ვადით თავისუფლების აღკვეთას ითვალისწინებს.

გამოძიება სისხლის სამართლის კოდექსის 353-ე პრიმა მუხლით მიმდინარეობს,
რაც ხელისუფლების წარმომადგენელზე თავდასხმას გულისხმობს.

დღეს, 21 დეკემბერს ევროპული საქართველოს ლიდერმა, გიგი უგულავამ ვიდეომასალა გამოაქვეყნა, სადაც მისი თქმით ჩანს, თუ როგორ ცდილობს დღემდე არაიდენტიფიცირებული პირი 2 დეკემბრის აქციაზე პროვოკაციის მოწყობას და იგივე პირი, როგორ აზიანებს თელავში ინაუგურაციის დღეს ქართული ოცნების დეპუტატის ავტომობილს.

მისი ვარაუდით, ვიდეოზე აღბეჭდილი პირს სახელმწიფო უსაფრთხოების სამსახური იყენებს, როგორც პროვოკატორს.