შინაგან საქმეთა მინისტრმა, გიორგი გახარიამ განაცხადა, რომ მზად არის აიღოს პასუხისმგებლობა და მისცეს ჩვენება სამოხელეო გადაცდომებზე, თუ ხორავას ქუჩის საქმეში გამოძიება ამ მიმართულებით დაიწყება. მისი სუბიექტური აზრით, სამოხელეო გადაცდომებზე სისხლის სამართლის საქმე უნდა აღიძრას.

"მე როგორც შს მინისტრი სრულ პასუხისმგებლობას ვიღებ იმაზე, რაც მოხდა. ვთვლი, რომ უნდა დაიწყოს სამოხელეო გადაცდომებზე სისხლის სამართლის საქმე. მზად ვარ მივიდე და მივცე ჩვენება პირველმა მიუხედავად იმისა, რომ დღესაც არ ვიცი, საგამოძიებო მოქმედებები, რომელიც არ ჩატარდა იყო განზრახ არჩატარებული ან იქონია თუ არა გავლენა შედეგზე", — განაცხადა შს მინისტრმა.

ის დაინტერესდა, არის თუ არა საგამოძიებო კომისია მზად აიღოს პასუხისმგებლობა იმაზე, რაც უნდა შეესრულებინა.

საგამოძიებო კომისიის სრული დისკრედიტაცია მოახდინეთ. შედეგის მისაღწევად პოლიტიკური სპეკულირება დაიწყეთ", — განაცხადა შს მინისტრმა.