ამერიკულმა კომპანია Pantone-მა ტრადიციას არ უღალატა და დეკემბრის დასაწყისში მაიამიში გამართულ ღონისძიებაზე 2019 წლის ფერი დაასახელა. კომპანია წლის ფერებს 2000 წლიდან ასახელებს.

2019 წლისთვის შერჩეული ფერი მარჯნისფერია, კოდით 16-1546. პანტონის წარმომადგენლის თქმით, ეს ფერი ბუნებაში სიცოცხლის მაჩვენებელია და თან, უამრავ უამრავ ფერსაც მოიცავს.

პანტონმა "ცოცხალი მარჯანი", 2019 წლის ფრად დაასახელა.

ფოტო: Pantone

წლის ფერის დასახელებისთვის მაიამი სპეციალურად შეირჩა. ფლორიდა ერთადერთი შტატია ამერიკაში, სადაც სანაპიროების სიახლოვეს მარჯნის რიფები გვხვდება. ამის გარდა, ოკეანის სანაპიროზე მდებარე ქალაქი ცნობილია ფერების სიუხვით.

წლის ფერის დასახელების ცერემონიისთვის, მაიამიში მდებარე Royal Palm Hotel ასე მოეწყო

ფოტო: Elizabeth Lippman

როგორც Forbes წერს, მარჯნისფერი ბუნებას, გართობასა და მოგზაურობას ეხმიანება. თავად პანტონიც ამბობს, რომ ფერების კვლევის პროცესში დიდ ადგილს იკავებს ისეთი თემები, როგორიცაა მოგზაურობა და ბუნება:

"სოციალურობისა და მოგზაურობის სიხარული ცოცხალი მარჯნის ხასიათთან კავშირშია".

ცნობილი ადამიანები 2019 წლის ფერს უკვე აქტიურად იყენებენ საკუთარი ჩაცმულობაში.

მოდელი ჯიჯი ჰადიდი ნიუ-იორკის ქუჩებში. 13 დეკემბერი, 2018 წელი.

ფოტო: Getty Images

ჯენიფერ ლოპესი სტუმრად გადაცემაში ¡Despierta América!. 16 დეკემბერი, 2018 წელი.

ფოტო: Getty Images

სანამ გარდერობს გადაახალისებთ, შეგიძლიათ 2019 წლის ფერით საახალწლო მორთულობებში შეიტანოთ.

თუ ამ ფერზე ჯერ ვერ შეჯერდით, უყურეთ რუსთავი 2-ის გადაცემა სხვა შუადღეს, სადაც ისაუბრეს წლის ტენდენციურ ფერებზე, თან საახალწლო ნაძვის ხის მორთვაზე რჩევებიც გაგვიზიარეს.