პარლამენტში იურიდიული კომიტეტის თავმჯდომარის, ეკა ბესელიას თქმით, პრეზიდენტ სალომე ზურაბიშვილის გამოსვლა მისთვის საუკეთესი თვისებების "ბუკეტი" იყო.

"რომ წამრომედგინა როგორი შეიძლებოდა, ყოფილიყო ყველაზე საუკეთესო გამოსვლა პირველი ქალი პრეზიდენტის, ზუსტად ასე დავინახავდი. სახელმწიფოებრივი, მაღალი პოლიტიკური კულტურის, შემრიგებელი, ზეპარტიული, დამაბალანსებელი, დამაშვიდებელი, ქვეყნის ფასეულობების, ეროვნული ტრადიციების ხაზგასმით. ყველაზე საუკეთეოს თვისებებით, რაც ისტორიულად საქართველოს მოყვება, ამ ყველაფრის წინა პლანზე გადმოტანით, ამ ყველაფრის თავმყოფრა, "ბუკეტი" იყო ჩემთვის ქალი პრეზიდენტის ეს გამოსვლა", — განაცხადა ბესელიამ ჟურნალისტებთან.

თელლავში, ერეკლე მეფის სასახლეში ინაუგურაცია სამ საათზე დაიწყო და 40 წუთი გაგრძელდა. ღონისძიებას ესწრებოდნენ 50-ზე მეტი ქვეყნის 150-ზე მეტი მაღალი რანგის სტუმარი, ასევე, 16 საერთაშორისო ორგანიზაციის წარმომადგენელი. ცერემონიას დაესწრო ყოფილი პრეზიდენტი, გიორგი მარგველაშვილი და ყოფილი პირველი ლედი, მაკა ჩიჩუა. ჯამში 1800-ზე მეტი სტუმრაი იყო მიწვეული, მათ შორის, ქართული ესტრადის ცნობილი სახეები.

ინაუგურაციას არ დაესწრო მმართველი პარტიის თავმდჯომარე, ბიძინა ივანიშვილი. ღონისძიებაზე დასწრებაზე უარი თქვეს ნაციონალურმა მოძრაობამ და ევროპულმა საქართველომ.