საქართველოს განათლების, კულტურის, მეცნიერებისა და სპორტის მინისტრის, მიხეილ ბატიაშვილის განცხადებით, გაერთიანებულ ოპოზიციას არ აქვთ შეზღუდვა საკუთარი პოზიციის გამოსახატად.

მისი თქმით, ინაუგურაციისთვის ძალიან ბევრი საერთაშორისო სტუმარია ჩამოსული და შესაბამის ორგანოების უსაფრთხოების დაცვის ვალდებულება აქვთ.

"ინფორმაცია მაქვს, რომ შეთავაზებულია ალტერნატიული გზა და მათ არ აქვთ შეზღუდვა. ძალიან ბევრი სტუმარია წამოსასვლელი, როცა ასეთი განსაკუთრებული დღეა და ძალიან ბევრი სტუმარია წამოსული ევროპიდან. ჩვენ ვიცავთ უსაფრთხოების ნომრებს", — განაცხადა მიხეილ ბატიაშვილმა.

მისივე თქმით, ნებისმიერ ადამიანს თავისი კანონიერების ფარგლებში შეუძლია თავისი აზრი გამოთქვას.

თელავში მიმავალ ოპოზიციას გზა ავტობუსით გადაუკეტეს. მას შემდეგ რაც გზა ავტობუსით გადაკეტეს, საპროტესტო აქციის მონაწილეები ცდილობენ, რომ ავტობუსი გადააყირაონ. ადგილზე პოლიციაა მობილიზებული და მოქალაქეებს გასვლის საშუალებას არ აძლევს.

On.ge ცდილობს შინაგან საქმეთა სამინისტროს დაუკავშირდეს, თუმცა ისინი ჩვენს ზარებს არ პასუხობენ.

თელავში, ერეკლე მეორის სასახლეში პრეზიდენტის ინაუგურაცია უნდა გაიმართოს. გაერთიანებული ოპოზიცია და მათი მხარდამჭერები თელავში საპროტესტო აქციის გამართვას აპირებენ.